終於的起心肝去剪頭髮 ..... 落到去 salon, 佢問 : 想點整呀 ? 我話 : 染啦, 唔要染完冇染咁樣 ~ 仲有剪返小小 "陰 " 遮下我個高到死既額頭 ~ 佢問 : 咁你想染咩色呀 ? 我話 : 是但啦, 你話事啦. 我想剪短 d 頭髮添呀 ~ 到頸就最好喇 ~ 佢好認真咁沈思左幾分鐘 ........................... 佢話 : 我諗到喇 .... 就 咁咁咁咁咁 染啦 (其實我唔係幾知佢講緊咩. 哈哈 ) ..剪短埋就要電小小, 坐多 2 個鍾 ! 我話 : 下 ..... 咁算啦, 我只係整你前面講果 part .... 唔剪短喇...要等咁耐 ... ------------------------------------------------------------------------------------- 整緊頭髮期間, 有 3 個電車男中學生入黎剪頭髮, 佢好勁, 幾下手勢, 就搞到佢地 3 個變左型男 ..不過, 我有 d 擔心佢地 3 個唔識 jel 靚自己個頭 ... 俾佢地型一日啦 ~ ------------------------------------------------------------------------------------- 我整完出黎, 都好滿意, 佢完全做到我既要求, 染果隻色我都好滿意, 從來未試過咁淺色, 好 suprise ~ 我鍾意 li 種 "意想不到" 既感覺 ~ -------------------------------------------------------------------------------------- 大家對我個頭, 總括分開 3 種 comments 1) 老一輩既人 : 嘩, 你個頭搞咩呀 ? 染到咁金 .... 以前好睇 d 2) 後生一輩既人 : li 隻色好睇喎, 後生 d , 唔駛咁悶 , 0係邊度整架 ? 3) 同我好熟既人 : 轉下都幾好丫, 只係睇唔慣 姐~ ------------------------------------------------------------------------------- 如果大家對我既新髮型有 d 好奇, 歡迎約我食飯 ~ p.s. 有 d 客問我 : " e ... 你染左髮呀 ??? " ...... 其實我擺明係染左啦, 可唔可以答佢 " 唔係呀 " | 
